Kunngjering av tilskot til bustadsosialt arbeid (Nynorsk)

Alle kommunane i landet kan søkje om tilskot.

Søknadsfrist: 1. februar 2012

Tilskot til bustadsosialt arbeid er eit ledd i regjeringa sin handlingsplan mot fattigdom. Hovudformålet er å styrkje og utvikle dei ordinære tenestene i kommunane, slik at dei betre kan vareta behovet bustadlause og rusmiddelmisbrukarar har for oppfølging i bustad.  

Viktige innsatsområde i 2012 er:

• å redusere bruken av mellombelse butilbod  

• å leggje til rette for eit heilskapleg bustadsosialt arbeid lokalt

• å komme med tiltak overfor ungdom og yngre vaksne i etableringsfasen

Vi oppfordrar kommunane til å utvikle samarbeid med frivillige organisasjonar. Vi legg vekt på at søkjarane skaffar varige butilbod. Brukarmedverknad, bruk av individuell plan og vedtak om oppfølgingstenester er sentrale element i det bustadsosiale arbeidet som vil bli lagt vekt på når søknadene blir vurderte.

Vi oppfordrar alle søkjarane til å gjere seg kjende med regelverket for ordninga (sjå relatert innhald) og søknadskriteria. Søknadskriteria er lagde ved årets søknadsskjema.

Søknadsprosedyrar

Utfylt elektronisk søknadsskjema med eventuelle vedlegg skal sendast til det respektive fylkesmannsembetet. Bydelar og tiltak i Oslo sender søknadsskjemaet via Byrådsavdeling for eldre og sosiale tenester. Fylkesmannen sender ei prioritert oversikt til Arbeids- og velferdsdirektoratet. Søknadene blir behandla i møte mellom Fylkesmannen og Arbeids- og velferdsdirektoratet.

Tilskotsforvaltinga blir i størst mogleg grad samkøyrd med andre tilskot på fattigdomsfeltet forvalta av Arbeids- og velferdsdirektoratet, tilskot til kommunalt rusarbeid og Husbankens kompetansetilskot.

Du finn meir informasjon om tilskot til kommunalt rusarbeid på www.helsedirektoratet.no.

HUGS at søknader som blir sende per e-post utan godkjend elektronisk signatur, også må sendast inn per brev.